ევროინტეგრაციის საკითხებში სახელმწიფო მინისტრი მიიჩნევს, რომ რუსეთის ახალი საზღვაო დოქტრინა საქართველოს მისწრაფებებს ხელს არ უშლის.

ამის შესახებ დავით ბაქრაძემ ჟურნალისტებთან საუბრისას განაცხადა.

"ეს ხელს არ უშლის ჩვენს მისწრაფებებს. ჩვენთვის მნიშვნელოვანია ის დოკუმენტები, რომელიც მინისტერიალზე, წლის ბოლოს, ასევე, ვარშავის სამიტზე მომავალ წელს იქნება მიღებული საქართველოსთან დაკავშირებით", - განაცხადა დავით ბაქარაძემ.

რუსეთის პრეზიდენტმა, ვლადიმერ პუტინმა რუსეთის ახალი საზღვაო დოქტრინა დაამტკიცა. ამის შესახებ, ქვეყნის ვიცე-პრემიერმა დიმიტრი როგოზინმა განაცხადა.
მისი თქმით, დოქტრინაში ცვლილებები მსოფლიოში პოლიტიკური მდგომარეობის ცვლილებებმა გამოიწვია. დოქტრინაში, განსაკუთრებული ყურადღება გამახვილებულია ატლანტიკური და არქტიკული მიმართულებით.