უმრავლესობის წევრი მანანა კობახიძე მიიჩნევს, რომ ახალგაზრდული ოლიმპიური თამაშების გახსნის ღონისძიება ქვეყნისთვის მნიშვნელოვანი იყო და მას პრეზიდენტი უნდა დასწრებოდა.

კობახიძეს უჭირს პასუხის გაცემა, თუ რატომ არ მივიდა გიორგი მარგველაშვილი ოლიმპიადის გახსნაზე.

„კარგი იქნებოდა, თუკი პრეზიდენტი ღონისძიებაზე იქნებოდა. მას რა გუნება-განწყობა ჰქონდა გუშინდელ დღეს ვერ გეტყვით, თვითონ უნდა გიპასუხოთ რატომ არ მოვიდა. არანაირი დაპირისპირება გუნდსა და მას შორის არ არის. შეიძლება რაღაც ნაწილში ჩვენ ვართ კრიტიკულები, რაღაც ნაწილში ის არის კრიტიკული და ვეტოს ადებს კანონებს, ესეც ალბათ ჩვეულებრივი დემოკრატიული პროცესია",-განაცხადა კობახიძემ.