თავდაცვის მინისტრი რუსეთის ახალ დოქტრინაზე ვრცელ კომენტარს არ აკეთებს და ამბობს, რომ მისთვის გაცილებით საინტერესოა, რა დოკუმენტს მიიღებს დეკემბრის მინისტერიალზე ნატო.

თინა ხიდაშელის თქმით, დოკუმენტი დეტალურად არ წაუკითხავს, მაგრამ მისთვის ყველაფერი გასაგებია.

„ნებისმიერ დოკუმენტზე, რომელსაც დღეს ვხედავთ და რომელიც მომავალში გამოვა კრემლიდან, მე არ მაქვს რუსეთთან დაკავშირებით ოპტიმისიტური პროგნოზი. ზოგიერთი დოკუმენტი იქნება ზღვაზე არ გაფართოების არდაშვების, ზოგი კი ჰაერში გაფართოების არ დაშვების შესახებ. მათი პოზიცია გასაგებია. თუმცა ჩემთვის, როგორც საქართველოს თავდაცვის მინისტრისთვის, გაცილებით საინტერესოა დეკემბრის მინისტერიალზე რა დოკუმენტს მიიღებს ნატო“, - განაცხადა ხიდაშელმა.