„ნაციონალური მოძრაობის“ ერთ-ერთი ლიდერი ზურაბ ჭიაბერაშვილი რუსეთის ახალ დოქტრინას და სამხედრო საზღვაო სტრატეგიას საფრთხის შემცველს უწოდებს.

მისი თქმით, ახალმა სტრატეგიამ კრემლის იმპერიული ამბიციები კიდევ ერთხე დაადასტურა.

„ასეთ ვითარებაში, ის საგარეო პოლიტიკა და რუსეთთან დამოკიდებულება, რასაც"ქართული ოცნება" გვთავაზობს, არაადეკვატურია იმისათვის, რომ რუსეთისგან მომდინარე საფრთხეს გაუმკლავდეთ. ჩვენ გვჭირდება საერთაშორისო ძალისხმევა და მობილიზება იმისათვის, რომ რუსეთისგან მომდინარე ასეთი აგრესიული პოლიტიკა შევაჩეროთ,“ - განაცხადა ზურაბ ჭიაბერაშვილმა.

რუსეთის პრეზიდენტმა, ვლადიმერ პუტინმა რუსეთის ახალი საზღვაო დოქტრინა დაამტკიცა. ამის შესახებ, ქვეყნის ვიცე-პრემიერმა დიმიტრი როგოზინმა განაცხადა.
მისი თქმით, დოქტრინაში ცვლილებები მსოფლიოში პოლიტიკური მდგომარეობის ცვლილებებმა გამოიწვია. დოქტრინაში, განსაკუთრებული ყურადღება გამახვილებულია ატლანტიკური და არქტიკული მიმართულებით.