პრემიერის მეუღლე ნუნუკა თამაზაშვილის ახალგაზრდულ ოლიმპიადასთან დაკავშირებით სოციალურ ქსელში მიმართვას ავრცელებს.

„მეამაყება ამდენი ემოცია და ნათელი სახე... ისიც, რომ თბილისი პირველად, ევროპის ახალგაზრდული ოლიმპიური ფესტივალის მასპინძელია. მთელი კვირა სპორტის ნამდვილი ზეიმი გველოდება. მჯერა, ქართველი სპორტსმენები ამჯერადაც გვასახელებენ. იცოდეთ, რომ მე თქვენი უდიდესი გულშემატკივარი ვარ...“, - წერს თამაზაშვილი.

ევროპის მე-13 ახალგაზრდული ოლიმპიური ფესტივალი ოფიციალურად საქართველოს პრემიერ-მინისტრმა ირაკლი ღარიბაშვილმა გახსნა.
გახსნის საზეიმო ცერემონიაში, მიხეილ მესხის სახელობის სტადიონზე, ევროპის ოლიმპიური კომიტეტების პრეზიდენტმა პატრიკ ჰიკმა და „თბილისი 2015-ის“ საორგანიზაციო კომიტეტის თავმჯდომარემ ალექსი ახვლედიანმა მიიღეს მონაწილეობა.