ვაუჩერების გაცემის ახალ წესთან დაკავშირებით საკრებულოს თავმჯდომარე გიორგი ალიბეგაშვილი განმარტებას აკეთებს.

მისი თქმით, ცვლილების მთავარი ორიენტირი იქნება ის, რომ არ დაიჩაგროს სოციალურად დაუცველი მოსახლეობა.

ალიბეგაშვილი მოუწოდებს ჟურნალისტებს აღნიშნულ თემასთან დაკავშირებით მოვლენებს წინ ნუ გაუსწრებენ.

„მერიაში ამ თემაზე საუბარი მიმდინარეობს, შემდგომ კი საკრებულოში შევა და მასზე დეპუტატები იმსჯელებენ. უნდა გაიმიჯნოს თუ ვის ეკუთვნის სუბსიდია – სოციალურად დაუცველებს და გაჭირვებულებს, რათა სახელმწიფომ არ ხარჯოს თანხა იქ, სადაც მას შეუძლია აირიდოს მეტი დაფინანსება. მთავარი ორიენტირი იქნება არ დაიჩაგროს ჩვენი სოციალურად დაუცველი მოსახლეობა", - განაცხადა გიორგი ალიბეგაშვილმა.

„ნაციონალურმა მოძრაობამ" რამდენიმე დღის წინ გაავრცელა ინფორმაცია, რომ თბილისის მერია ვაუჩერების გაცემის ახალ წესზე მუშაობს. როგორც საკრებულოს „ნაციონალური მოძრაობის“ წევრი სევდია უგრეხელიძე ამბობს, რომ დედაქალაქის მთავრობა აპირებს კომუნალური დახმარება მოუხსნას ყველას, გარდა იმ ადამიანებისა, ვინც სოციალური შემოწმების შედეგად 70 ქულაზე ნაკლები მიიღეს.