ექსპერტი ნიკა ჩიტიძე ვარაუდობს, რომ სამხედრო საზღვაო სტრატეგია საქართველოსთვის საფრთხის შემცველი იქნება.

მისი თქმით, ამ შემთხვევაში საქართველოს იმედი უნდა ჰქონდეს თავისი დასავლელი პარტნიორების.

„ამ შემთხვევაში რუსეთის ერთ-ერთი მთავარი მიმართულება არის მისი გეოპოლიტიკური და იდეოლოგიური მოწინააღმდეგის, აშშ-ს და ნატოს გავლენის შემცირება. ასევე სამხედრო-საზღვაო ფლოტის გაძლიერება სახმელეთო და საჰაერო ძალებთან ერთად, რაც საფრთხის შემცველი საქართველოსთვის და ამ შემთხვევაში საქართველოს იმედი უნდა ჰქონდეს თავისი დასავლელი პარტნიორების“, - განაცხადა ჩიტიძემ.

რუსეთის პრეზიდენტმა, ვლადიმერ პუტინმა რუსეთის ახალი საზღვაო დოქტრინა დაამტკიცა. ამის შესახებ, ქვეყნის ვიცე-პრემიერმა დიმიტრი როგოზინმა განაცხადა.
მისი თქმით, დოქტრინაში ცვლილებები მსოფლიოში პოლიტიკური მდგომარეობის ცვლილებებმა გამოიწვია. დოქტრინაში, განსაკუთრებული ყურადღება გამახვილებულია ატლანტიკური და არქტიკული მიმართულებით.