გრძელდება თუ არა სტიქიის დროს დაკარგულთა ძებნა

გრძელდება თუ არა სტიქიის დროს დაკარგულთა ძებნა - ღია წერილი მთავრობას

პოლიტიკა - 10:52, 27 Jul, 2015

1309

13 ივნისის სტიქიის დროს დაკარგულ სამ ადამიანს 40 დღეა უშედეგდ ეძებენ. ნათესავებმა სამძებრო ღონისძიებების შეწყვეტა გააპროტესტეს. დაკარგულთა ოჯახის წევრები არ გამორიცხავენ, რომ ცხედრები მდინარე ვერემ მტკვარში ჩაიტანა. შესაბამისად, ფიქრობენ, რომ არსებობს მათი აზერბაიჯანის ტერიტორიაზე გამორიყვის ალბათობა და ხელისუფლებისგან სამძებრო სამუშაოების გაგრძელებას მეზობელ ქვეყანაშიც ითხოვენ.

სახელმწიფო უსაფრთხოებისა და კრიზისების მართვის საბჭოში არ ადასტურებენ ინფორმაციას, რომ 13 ივნისის ტრაგედიის დროს დაკარგულების ძებნა შეწყდა.

ამის შესახებ „ნიუპოსტს“ ჯანელიძის უწყებაში განუცხადეს.

„ჩვენს ხელთ არსებული ინფორმაციით ძებნას შესაბამისი უწყებები კვლავ ახორციელებენ“, - აცხადებენ კრიზისების მართვის საბჭოში, ხოლო საგანგებო სიტუაციების მართვის სამსახურში კი ამბობენ, რომ ძებნის შეწყვეტის შესახებ ინფორმაცია სიმართლეს არ შეესაბამება და შესაბამისი ჯგუფები 24 საათიან რეჟიმში მუშაობენ.

შეგახსენებთ, რომ სტიქიის დროს დაკარგულთა ნათესავებმა და ოჯახის წევრებმა სამძებრო ღორნისძიებების შეწყვეტის გამო ხელისუფლებას ღია წერილითაც მიმართეს.