შინაგან საქმეთა სამინისტროს მომსახურების სააგენტოს ხელმძღვანელმა, რომელიც ამავდროულად Biletebi.ge-ის წილის მფლობელიც არის, 4 თვეში დანამტის სახით 12 ათასი ლარი აიღო.

ინფორმაციას „ნაციონაური მოძრაობა“ ავრცელებს.

როგორც პარტიის წევრმა ირმა ნადირაშვილმა განმარტა, დავით მიზანდარი ყოველთვიურად დანამატთან ერთად ხელფასის სახით 7000 ლარს იღებს.

"დანიშვნიდან მეორე თვეს მის ხელფასს დაემატა 2500-ლარიანი დანამატი. მესამე თვეს, როცა სუპერთასის ბილეთებისთვის ხალხი ქუჩაში იდგა, ის წაახალისეს და მის ხელფასს, რომელიც 2100 ლარს შეადგენს, დაემატა 2500 ლარი. იგივე მოხდა ივლისშიც. ეს ყველაფერი იმ ფონზე, როდესაც ათასობით ადამიანი სოციალურად დაუცველთა სიიდან ამოიღეს, მოხდა ბიუჯეტის სეკვესტრი და ელექტროენერგია გააძვირეს. აგვიხსნას შს სამინისტრომ ეს გადაწყვეტილება", - განაცხადა ნადირაშვილმა.