რას აცხადებენ ე.წ კორტების სპეცოპერაციის მონაწილე სპეცრაზმელები

პოლიტიკა - 18:31, 24 Jul, 2015

1887

ე.წ კორტების სპეცოპერაციის საქმეზე დღეს გამართულ სასამართლო პროცესზე დღეს სპეცრაზმელები დაიკითხნენ.

ერთ-ერთმა მოწმე ალექსანდრე სანიკიძემ განაცხადა, რომ მას ფირცხალავას ბრძანება არ შეუსრულებია და ცეცხლი მხოლოდ იმიტომ გახსნა, რომ ნაკანმა გაისროლა..

„ მე ირაკლი ფირცხალავას ბრძანებას არ დავემორჩილე, უბრალოდ მანქანის შეჩერების მიზნით ვესროლე საბურავში.“- განაცხადა სანიკიძემ და აღნიშნა რომ აღნიშნული ქმედება არა ირაკლი ფირცხალავას, არამედ კახა ნაკანის ქმედების შემდეგ განახორციელა

ე.წ. კორტების სპეცოპერაციის საქმეზე ბრალდებული ირაკლი ფირცხალავას ადვოკატის დავით ხაჟალიას განცხადებით, დღევანდელ სასამართლო პროცესზე ცააძეს საკონტროლო გასროლები ვერ დადასტურდა.

ადვოკატი დაკითხული სპეცრაზმელების ჩვენები დან სამ გარემოებას გამოყონს.

"პირველი არის, რომ ვერ დადასტურდა ცააძის საკონტროლო გასროლები. მეორე საკითხი, რომ მოწმეებმა ვერ ახსნეს და განმარტეს, რატომ გასცა ცეცხლის გახსნის ბრძანება ფირცხალავამ და გასცა თუ არა, ესეც საკითხავია. მესამე საკითხი კი, რაც მათი ჩვენებებიდან გავიგეთ, არის ის, რომ გამოირიცხა პროკურატურის მოტივი, რომლის მიხედვითაც თითქოს ფირცხალავას მხრიდან სპეცოპერაციის ჩატარებას შურისძიება ედო მოტივად", - განაცხადა დავით ხაჟალიამ.

ე.წ. კორტების სპეცოპერაციის საქმეზე ძალოვანი უწყების ყოფილი მაღალჩინოსნები ირაკლი ფირცხალავა, კახა ნაკანი, ლევან ბეროძე, გიორგი ცააძე და გრიგოლ კვინიკაძე არიან ბრალდებულები.

დღეს სასამართლოზე რიგითი სპეცრაზმელები დაიკითხნენ, რომლებმაც დახურულ სასამართლო სხდომაზე, რამდენიმე დღის წინ სპეცოპერაციის ხელმძღვანელი პირების მამხილებელი ჩვენება მისცეს. რიგით სპეცრაზმელებს, განზრახ მკვლელობის ბრალდება აქვს წარდგენილი.