პრეზიდენტის ადმინისტრაციაში დეპუტატი აკაკი ბობოხიძის შეწყალებასთან დაკავშირებით პრემიერის მიერ გამოთქმულ კრიტიკას ეხმაურებიან.

პრეზიდენტის მრჩეველმა კახა კოჟორიძემ მოუწოდა პოლიტიკური თანამდებობის პირებს, რომ მსგავსი განცხადებების გაკეთების დროს პასუხისმგებლობით იმოქმედო.

მისი თქმით, გიორგი მარგველაშვილი ნამდვილად არის ეროვნული პრეზიდენტი და ის ასეთი საკითხების გადაწყვეტის დროს პარტიული ნიშნით არ მოქმედებს.

„გვინდა ვთხოვოთ მაღალ პოლიტიკური თანამდებობის პირებს, რომ მსგავსი განცხადებების გაკეთების დროს პასუხისმგებლობით იმოქმედონ, რადგან ამ ტიპის განცხადებებმა, არ გააჩინოს აღქმა, რომ საქართველოში შესაძლოა, მართლმსაჯულება ხორციელდებოდეს პოლიტიკური ნიშნით. საქართველოს პრეზიდენტის პოზიციაა, რომ შეწყალების პროცესში არასდროს იმოქმედებს პოლიტიკური თუ პარტიული ნიშნით", - განაცხადა კოჟორიძემ.

პრემიერი პრეზიდენტის მიერ „ნაციონალური მოძრაობის“ წევრი აკაკი ბობოხიძის ძმის შეწყალების ფაქტს უარყოფითად აფასებს.

მისი თქმით, საქართველოს ჭეშმარიტად "ნაციონალური" პრეზიდენტი ჰყავს.