ჯანდაცვის მინისტრის თქმით, ყველაფერი გაკთდება იმისთვის, რომ ელექტროენერგის ტარიფთან დაკავშირებული ცვლილებები სოციალურად დაუცველ ფენას არ შეეხოს.

ამის შესახებ სერგეენკომ ჟურნალისტებთან საუბრისას განაცხადა.

„სოციალურად მიმართული სუბსიდირება მიღებული მეთოდია, არამარტო პოლიტიკაში, არამედ ეკონომიკაშიც. ვფიქრობ უახლოეს საათებში დასრულდება საბოლოო შეჯამება. კონსულტაციები გუშინაც გვქონდა იმისათვის, რომ სოციალურად დაუცველმა მოსახლეობამ ეს ცვლილებები არანაირი სახით არ იგრძნოს,“ - აცხადებს დავით სერგეენკო.

შეგახსენებთ, სს "თელასმა" საქართველოს ენერგეტიკისა და წყალმომარაგების მარეგულირებელ ეროვნულ კომისიას სატარიფო განაცხადით გუშინ მიმართა.

მანამდე სემეკს ტარიფის კორექტირების თხოვნით „ენერგო პრო ჯორჯიამ“ მიმართა. ენერგეტიკისა და წყალმომარაგების მარეგულირებელ ეროვნულ კომისიის გადაწყვეტილებით, 1 აგვისტოდან „ენერგო პროს“ მომხმარებლებისთვის ელექტროენერგიის სამომხმარებლო ტარიფი 3.95 თეთრით გაძვირდება.