პროკურატურის შესახებ კანონში დაგეგმილ ცვლილებებს უარყოფითად აფასებს „თავისუფალი დემოკრატების“ ერთ-ერთი წევრი შალვა შავგულიძე.

მისი თქმით, ცვლილებების მიუხედავად პროკურატურა პოლიტიზირებული რჩება.

ამის ერთ-ერთ მიზეზად შავგულიძე იმ ფაქტს ასახელებს, რომ მთავარი პროკურორის თანამდებობაზე პირის ნომინირებას კვლავ იუსტიციის მინისტრი მოახდენს.

„ვენეციის კომისიის დასკვნის თანახმად არ შეიძლება მთავარი პროკურორის კანდიდატურის ნომინირებას ისევ იუსტიციის მინისტრი ახდენდეს, რომელიც მმართველი პოლიტიკური ძალის წარმომადგენელია“, - განაცხადა შავგულიძემ.

პროკურატურის შესახებ კანონში დაგეგმილ ცვლლილებებს იურიდიულ საკითხთა კომიტეტზე განიხილავენ.