თბილისის მერი დავით ნარმანია დედაქალაქში ელექტროენერგიის ტარიფის შესაძლო გაზრდის ფაქტს ეხმაურება.

მისი თქმით, ტარიფის გაზრდის შემთხვევაში დედაქალაქის მთავრობა ყველა იმ ოჯახს დაუდგება გვერდით, ვისაც ამის საჭიროება ექნება.

„გადაწყვეტილება დღეს იქნება მიღებული. მთელი ქვეყნის მასშტაბით იქნება საერთო პოლიტიკა და ამ საერთო პოლიტიკის ფარგლებში, თბილისის მერიაც დაუდგება თითოეულ იმ ოჯახს გვერდით, ვისაც სჭირდება ჩვენი თანადგომა“, - განმარტა დავით ნარმანიამ.

შეგახსენებთ, სს "თელასმა" საქართველოს ენერგეტიკისა და წყალმომარაგების მარეგულირებელ ეროვნულ კომისიას სატარიფო განაცხადით გუშინ მიმართა.

მანამდე სემეკს ტარიფის კორექტირების თხოვნით „ენერგო პრო ჯორჯიამ“ მიმართა. ენერგეტიკისა და წყალმომარაგების მარეგულირებელ ეროვნულ კომისიის გადაწყვეტილებით, 1 აგვისტოდან „ენერგო პროს“ მომხმარებლებისთვის ელექტროენერგიის სამომხმარებლო ტარიფი 3.95 თეთრით გაძვირდება.