უმრავლესობის წევრის ლევან ბერძენიშვილის თქმით, მმართველ გუნდს მაჟორიტარული სისტემის გაუქმებაზე უარი არასოდეს უთქვამს და ამ სისტემას კოალიციის შიგნით მომხრეებიც ჰყავს.

ამის შესახებ დეპუტატმა პრეზიდენტის განცხადების საპასუხოდ განაცხადა, სადაც გიორგი მარგევლაშვილმა „ქართულ ოცნებას“ მაჟორიტარულ სისტემასთან დაკავშირებით წინასაარჩევნო დაპირება გაახსენა.

"ჩვენ ვთანხმდებით, რომ 2016 წლის შემდეგ არჩევნები ჩატარდება პროპორციული სისტემით, ანუ ჩვენ ჩვენს დაპირებას ვასრულებთ, უბრალოდ ეს შესრულება არ არის იმ ვადებში, როგორც პრეზიდენტს ეგონა", - განაცხადა ბერძენიშვილმა.

საქართველოს პრეზიდენტმა მაჟორიტარული საარჩევნო სისტემის ცვლილებ ის აუცილებლობაზე ისაუბრა და მთავრობასა და საპარლამენტო უმრავლესობას წინასაარჩევნო დაპირება შეახსენა. მისი თქმით აღნიშნული სისტემის ცვლილება სამართლიანობის დადგენაა, ხოლო 2016 წლისთვის ამ ცვლილების გადადება სამართლიანობის გადადებას ნიშნავს. "რამდენად სამართლიანია, რომ სამართლიანობას გადავდებთ, არ ვიცი" - განაცხადა გიორგი მარგველაშვილმა.