ბურჯანაზე კრემლთან მუშაობის გაგრძელებას აანონსებს

პოლიტიკა - 14:50, 22 Jul, 2015

1617

"დემოკრატიული მოძრაობის" ლიდერმა ნინო ბურჯანაძემ მოსკოვში მისი ვიზიტის შემდგომ შემაჯამებელი პრესკონფერენცია გამართა და იმ შედეგებზე ისაუბრა, რაც მისი თქმით რუსეთში მისი შეხვედრების შემდეგ იქნა მიღწეული. ნინო ბურჯანაძის თქმით ხელისუფლებას არ ყოფნის გამბედაობა, რომ რუსეთთან პირდაპირი დიალოგი აწარმოოს:

„მე შემიძლია მთელი პასუხისმგებლობით ვთქვა, რომ ჩემი ვიზიტის შემდეგ მიღწეული იქნა ძალიან სერიოზული წარმატება და ძალიან სერიოზული გარღვევა. დაწყებული იმით, რომ რუსულმა მხარემ პირველად განაცხადა, იმის შესახებ რომ არ არის არცერთი დახურული თემა, ანუ მათ შორის აფხაზეთის და სამაჩაბლოს თემა და ყველა თემაზე მზად არიან სასაუბროდ, ოღონდ არცერთხელ ეს არცერთ ხელისუფლებას არ გამოუყენებია, როგორც არ გამოუყენებია ილორის წმინდა გიორგის გადარჩენის შესაძლებლობა.“- განაცხადა ბურჯანაძემ და აღნიშნა, რომ მისთვის გულსატკენია, ის რომ საქართველოს ხელისუფლება მის შეთავაზებას შეხვედრასტან დაკავშირებით არ გამოეხმაურა. ბურჯანაძის განცხადებით ის ხელისუფლებისთვის იმ ინფორმაციის და მზაობის გადაცემას აპირებსა, რომელიც მან რუსეთის ხელისუფლებისგან მიიღო.

ბურჯანაძის თქმით, ერთ-ერთი შეხვედრის დროს მისი თანდასწრებით იქნა განკარგულება გაცემული, რომ განუზომლად გამარტივდეს სავიზო რეჟიმი საქართველოს მოსახლეობისთვის და ამავდროულად რუსულ ბაზარზე გამავალი პროდუქციის ჩამონათვალი გაფართოვდეს.

„მე გავაგრძელებ ამ მიმართულებით მუშაობას და როგორც კი მოვალ ხელისუფლებაში ამ შექმნილ ბაზისს გამოვიყენებ, რომ გარდატეხა შევიტანო რუსულ ქართულ ურთიერთობაში.“- განაცხადა ბურჯანაძემ.

ნინო ბურჯანაძის განცხადებით რუსმა მაღალჩინოსნებმა მასთან შეხვედრისას მზადყოფნა გამოთქვეს შეხვდნენ კოლეგა ქართველ მაღალჩინოსნებს, როგორც საქართველოში ასევე მესამე ქვეყნის ტერიტორიაზე.