მე ვარ, კარგი სათადარიგო მოთამაშე, პოლიტიკაში მხოლოდ საოცრების შემთხვევაში დავბრუნდები

მე ვარ, კარგი სათადარიგო მოთამაშე, პოლიტიკაში მხოლოდ საოცრების შემთხვევაში დავბრუნდები - ივანიშვილი

პოლიტიკა - 10:24, 22 Jul, 2015

2705

ყოფილმა პრემიერ-მინისტრმა ბიძინა ივანიშვილმა „გურია ნიუსთან“ ინტერვიუში მისი პოლიტიკაში შესაძლო დაბრუნების შესახებ ისაუბრა. როგორც ივანიშვილმა განაცხადა, ის პოლიტიკაში მხოლოდ საოცრების მოხდენის შემთხვევაში დაბრუნდება. ივანიშვილის შეფასებით მოქმედი ხელისუფლება საქმეს თავს კარგად ართმევს, ამიტომ მისი პოლიტიკაში დაბრუნების საჭიროება არ დგას.

“ადრეც მითქვამს და ახლაც ვამბობ - პოლიტიკაში დავბრუნდები მხოლოდ იმ შემთხვევაში, თუ რაღაც საოცრება მოხდება - დღევანდელი მთავრობა ხალხს აღარ მოუსმენს, მოხდება მსგავსი უზურპაცია ხელისუფლების, რაც მოხდა სააკაშვილის დროს. არაფერი ამის მსგავსი არ ჩანს. ჩვენ დღეს გვყავს სახალხო ხელსუფლება, ჩემი აზრით. გვყავს კარგი პრემიერი, კარგი პარლამენტის თავმჯდომარე და არაფერი ამის მსგავსი არ ისმის, რომ ჩემი პოლიტიკაში მოსვლის აუცილებლობა გახდეს საჭირო. მე ვარ, ვთქვათ, კარგი სათადარიგო მოთამაშე. თუ რაღაც, ღმერთმა დაგვიფაროს, მოხდა ისეთი კატალიზმა - სააკაშვილისებური რაღაც მოიფიქრეს, მოახდინეს უზურპაცია ხელისუფლების და ხალხს აღარ უსმენს და საზოგადოებას აღარ უსმენს და დაიწყეს ძალადობა მსგავსი, ასეთ შემთხვევაში შეიძლება... მადლობა ღმერთს, რომ არაფერი ამის ნიშნები არ ჩანს და ჭეშმარიტად სახალხო ხელისუფლებაა დღეს, თუმცა, რა თქმა უნდა, იდეალური არ არის.”- განაცხადა ბიძინა ივანიშვილმა.