ევროპული საბჭოს პრეზიდენტი დონალდ ტუსკი თბილის მერიოტში "თავისუფალი დემოკრატების" ლიდერებს შეხვდა. შეხვედრაზე „თავისუფალმა დემოკრატებმა“ ყურადღება ევროინტეგრაციის პროცესის დაჩქარებასა და უვიზო მიმოსვლის მიღების საკითხთან დაკავშირებით გაამახვილეს.

მხარეებმა შეხვედრაზე განიხილეს ქვეყანაში შექმნილი პოლიტიკური ვითარება. "თავისუფალმა დემოკრატებმა“ ამ კუთხით არაფორმალურ მმართველობასა და სხვადასხვა უწყებების რეფორმირების პროცესზე ისაუბრეს. მათ ევროპული საბჭოს პრეზიდენტს პარტიის სამომავლო გეგმებიც გააცნეს.