"გქონდათ შესაძლებლობა XXI საუკუნეში გენახათ ახალი ბერლინის კედელი"- ხიდაშელის მიმართვა ტუსკს

პოლიტიკა - 17:44, 21 Jul, 2015

1174

საქართველოს თავდაცვის უწყების ხელმძღვანელის თინათინ ხიდაშელის შეფასებით, ევროპის საბჭოს პრეზიდენტს ამ ორი დღის განმავლობაში საშუალება ქონდა რეალური საქართველო ენახა, თავისი პრობლემებით,გამოწვევებით, ახალი ბერლინის კედლით და ამასთანავე იმ სიმხნევით, რომელიც ქარტველებს გააჩნიათ. ამასთან დაკავშირებით პრეზიდენტის რეზიდენციაში ისაუბრა, სადაც საქართველოს პრეზიდენტი გიორგი მარგველაშვილი და ევროპის საბჭოს პრეზიდენტი დონალდ ტუსკი ევროკავშირის მისიის ეგიდით ცენტრალური აფრიკის რესპუბლიკაში გაგზავნილ საქართველოს სამშვიდობო კონტიგენტს შეხვდნენ.

„თქვენ გქონდათ საშუალება, ამ ორი დღის განმავლობაში გენახათ საქართველო ისეთი, როგორიც არის, ყველა თავისი პრობლემით, ოკუპაციით გამოწვეული პრობლემებით, ყოვედღიური გასაჭირით, მაგრამ იმ სიმხნევით, რომლითაც ყოველი ქართველი დგას და ებრძვის ამ გამოწვევებს, რომელსაც დღევანდელი სამყარო გვთავაზობს. თქვენ იყავით ხურვალეთში, გქონდათ შესაძლებლობა, XXI საუკუნეში გენახათ ახალი ბერლინის კედელი. ეს არის სამწუხარო რეალობა“, - განაცხადა ხიდაშელმა.

ამასთანავე თავდაცვის მინისტრმა მადლობა გადაუხადა ყველა იმ ჯარისკაცს, რომელიც საქართველოს ინტერესებს, ქვეყნის შიგნით და ქვეყნის ფარგლებს გარეთ იცავს.

„ჩვენ გვჯერა, რომ ყველგან, სადაც ვიცავთ მშვიდობას, ვიცავთ საქართველოს. ვიცავთ ჩვენი შვილების უსაფრთხოებას და ვიბრძვით ჩვენი შვილების მომავლისთვის. ამიტომ, მინდა დიდი მადლობა ვუთხრა ყველა იმ ჯარისკაცს, რომელიც დგას საკუთარი ქვეყნის სადარაჯოზე და მის ფარგლებს გარეთ და ქედი მოვიხარო ყველა იმ დედის წინაშე, ვისაც მსხვერპლი ჰქონდა“, - განაცხადა თინათინ ხიდაშელმა.