საქართველოს პრემიერ-მინისტრის თქმით, ევროკავშირთან ასოცირების გეგმის განხორციელება წარმატებით მიმდინარეობს.

ამის შესახებ ირაკლი ღარიბაშვილმა ევროსაბჭოს პრეზიდენტთან ერთად გამართულ პრესკონფერენციაზე განაცხადა.

მისი თქმით, დონალდ ტუსკთან შეხვედრაზე საუბარი ვიზალიბერალიზაციის საკითხს შეეხებოდა.

„მთავრობა მოტივირებულია, რომ პირნათლად შევასრულოთ ყველა ის ვალდებულება, რომელიც გვაქვს ნაკისრი ვიზალიბერალიზაციის სამოქმედო გეგმის ფარგლებში. ევროკავშირთან ასოცირების გეგმის განხორციელება მიმდინარეობს წარმატებით. არავითარი ჩამორჩენა ამ მხრივ არ გვაქვს. იმედია, წლის ბოლოს ევროკავშირს პოზიტიური პოლიტიკური გადაწყვეტილება ექნება. მადლობა მინდა გადაგიხადოთ იმ წვლილისთვის, რაც ევროკავშირს შეაქვს საქართველოს სუვერენიტეტისა და ტერიტორიული მთლიანობის დაცვის პროცესში“, - აღნიშნა პრემიერმა.