,,ვშიშობ პროვოკაციის ავტორებს მოჭარბებული რეაქციის მიღება სურთ"

,,ვშიშობ პროვოკაციის ავტორებს მოჭარბებული რეაქციის მიღება სურთ" - ტუსკი ორჭოსანის მოველნებზე

პოლიტიკა - 13:19, 21 Jul, 2015

1456

ევროსაბჭოს პრეზიდენტი დონალდ ტუსკი ოკუპირებულ რეგიონებში ე.წ. საზღვრის აღმნიშვნელი ბანერის აღმართვის ფაქტს პროვოკაციას უწოდებს.

ამის შესახებ ტუსკმა საქართველოს პრემიერ-მინისტრთან ერთად გამართულ პრესკონფერენციაზე განაცხადა.

„ეხლა ჩამოვედი საზღვრის რეგიონიდან და დავინახე, თუ როგორ მონტაჟდება გამყოფი ზოლები. უკანასკნელ პერიოდში სასაზღვრო ნიშნების აღმართვა პროვოკაციაა და ეს არ არის წვლილის შემტანი იმ ძალიხსმევის განხორციელებაში, რომელიც მიმართულია სიტუაციის დასტაბილურებისაკენ. ევროკავშირის სადამკვირვებლო მისია გადამწყვეტ როლს თამაშობს, რომ სიტუაცია არ გამოვიდეს სიმშვიდის ფორმატიდან. მე მაღალ შეფასებას ვაძლევ თქვენი მთავრობის რეაქციას. მე ვშიშობ, რომ ერთადერთი რასაც ისურვებდნენ პროვოკაციის ავტორები ეს არის მოჭარბებული რეაქცია. ამიტომ ჩვენ უნდა ვიყოთ მტკიცე, მაგრამ ამ საკითხს პასუხისგებლობით უნდა მიუდგეთ“, - აღნიშნა ტუსკიმ.

ევროსაბჭოს პრეზიდენტი ასევე არალეგიტიმურს უწოდებს რუსეთის მიერ სამხრეთ ოსეთთან და აფხაზეთთან გაფორმებულ ე.წ. ხელშეკრულებას.

„პრემიერი დავარწმუნე, რომ ევროკავშირი რჩება კონფლიქტის მოგვარების ერთგული და მხარს უჭერს საქართველოს ტერიტორიულ მთლიანობას. ე.წ. ხელშეკრულებები, რომელიც რუსეთმა ცხინვალთან და აფხაზეთთან გააფორმა, არღვევს საქართველოს სუვერენიტეტეს და მის ტერიტორიიულ მთლიანობას. ისინი საერთაშორისო სამართლის პრინციპებს ეწინააღმდეგება“ - განაცხადა ევროსაბჭოს პრეზიდენტმა.