"პოლიციელის მკვლელს საზღვარზე აპარებდი, სამარცხვინო ტიპად დარჩები"

"პოლიციელის მკვლელს საზღვარზე აპარებდი, სამარცხვინო ტიპად დარჩები" - თარგამაძე ჭიკაიძეს

სოც.მედია - 11:12, 21 Jul, 2015

2491

„ნაციონალური მოძრაობის“ წევრი გივი თარგამაძე ალექსანდრე ჭიკაიძის ინტერვიუს იმ ნაწილს ეხმაურება, სადაც ექსმინისტრი ამბობს, რომ წინა ხელისუფლების დროს პოლიციელები იძულებულნი იყვნენ ვანო მერაბიშვილის სადღეგრძელო ფეხზე ადგომით დაელიათ.

„ამ არსებას აქამდე ვინდობდი. დიდი-დიდი, მასზე მეხუმრა. ეს სადამდე დაცემულა, ეს ქლესა. შე უნამუსო, უსირცხვილო ბიჭო, ეგრე წარბშეუხრელად როგორ იტყუები? კაცმა ფეხზე დაგაყენა, საშუალება მოგცა, შენი შრომით უბრალო პოლიციელიდან განყოფილების უფროსი გამხდარიყავი და იქაც ერთი წუთითაც არ მოუკლია ყურადღება. შეკრიბე შენი ყოფილი თანამშრომლები, თვალებში შეხედე და ეგ გაიმეორე. პოლიციელის მკვლელს საზღვარზე აპარებდი, შენი დავალებით შენი დაცვის უფროსი ქურდებს გადაესკვნა, ქვეყანაში ესკორტს უკეთებდა, ახლა ადამიანი დაჭრა და შენ ნამუსს უწმენდ, შენი კოლეგა აბსურდული განზრახ მკვლელობის მუხლით დააჭერინე, ქალაქიდან რომ გადიოდი, საკუთარი მზარეული დაგყავდა თოთო ციკნებით, მაგ უწყების ყველაზე სამარცხვინო ხელმძღვანელი იყავი და ამ ყველაფრის გადაფარვა ციხეში მჯდომი ვანოს სახელის ლაფში ამოსვრით გინდა? არ გამოგივა, ყველა პოლიციელმა იცის, რა შორსაა ვანო იმ სიმდაბლიდან, რაც მოჩმახე. შენი ბოსები და ბოსის ბოსები წარსულს ჩაბარდებიან, შენ კი დარჩები სამარცხვინო ტიპად ადამიანობაში, კაცობაში, კოლეგებში.

P.S. გამახსენდა, თანამდებობაზე დანიშვნის წინ ითხოვენ ხოლმე შენგან ვანოს ძაგებას. ეგ თანამდებობები უკან მოგრჩება, მონავ“, - წერს თარგამაძე.