ევროპული საბჭოს პრეზიდენტი დონალდ ტუსკის განცხადებით უვიზო მიმოსვლის საკითხში საქართველო ძალიან კარგ პოზიციაზე დგას, თუმცა სავიზო რეჟიმის ამოქმედებისთვის დამატებითი რეფორმებია საჭირო. ამის შესახებ მან საქართველოს პრეზიდენტ გიორგი მარგველაშვილთან შეხვედრის შემდეგ გამართულ ერთობლივ პრესკონფერენციაზე განაცხადა.

„პირადად მე, ვიზალიბერალიზაციის ძალიან დიდი სურვილი გამაჩნია, თუმცა ჩემი სურვილი წარმატების გარანტი არ არის. დამერწმუნეთ, რომ მე მაქსიმალურად დავუჭერ მხარს საქართველოს იმ დროს, როცა საქმე ვიზალიბერალიზაციის საკითხზე მიდგება. საქართველო ძალიან კარგ პოზიციაზე დგას, როდესაც თავისუფალ მიმოსვლაზეა საუბარი. საქართველო ამჟამად ახორციელებს რეფორმებს, რომელსაც მივესალმებით, მაგრამ თავისუფალი სავიზო რეჟიმისთვის დამატებითი რეფორმებია საჭირო. საქართველომ უნდა განაგრძოს ძალიან აქტიური მუშაობა კორუფციის, მიგრაციის, თავშესაფრის, ნარკოტიკების წინააღმდეგ და ტრეფიკინგის თვალსაზრისით მუშაობა. იმისთვის, რომ მოვლენათა მიმდინარეობა დავაჩქაროთ, კომისიის შემდეგი მოხსენება ვიზალიბერალიზაციის გეგმაზე, მიმდინარე წლის ბოლომდე უნდა დასრულდეს. ჩემი პირადი პოზიციაა, რომ ვიზალიბერალიზაციის საკითხში ძირეული პროცესი უნდა დაიწყოს“- განაცხადა დონალდ ტუსკმა.