განიხილავს თუ არა აშშ-ის კონგრესი საქართველოსთვის იარაღის მიწოდების საკითხს?!

პოლიტიკა - 18:35, 20 Jul, 2015

1342

რუსეთის ფედერაციის მიერ საქართველოს საზღვრის გადმოწევას ვაშინგტონში აღმაშფოთებელს და გაუგებარს უწოდებენ. "ამერიკის ხმის" ცნობით, პოლიტოლოგების შეფასებით რუსეთმა ამ ნაბიჯით მსოფლიოს კიდევ ერთხელ დაანახა, რომ ისე იმოქმედებს როგორც სურს და მას ვერავინ შეაჩერებს. "გაუგებარია რატომ სურს კრემლს ამის გაკეთება. საქართველოს მთავრობა რუსეთთან ურთიერთობების მიზნით თანამშრომლობას. შესაძლებელია რუსეთში ვინმეს სჯერა, რომ მოვიდა დრო გაძლიერდეს ძალისხმევა, რომელიც მეზობელი ქვეყნების სუვერენიტეტისა და ტერიტორიული მთლიანობის წინააღმდეგ არის მიმართული " - განაცხადა ამერიკის შეერთებული შტატების ყოფილმა ელჩმა საქართველოში უილიამ კორტნიმ "ამერიკის ხმასთან" ინტერვიუში.

დიპლომატის თქმით, საქართველოს მთავრობამ ყველა ღონე უნდა იხმაროს იმისთვის, რომ ქვეყნის ტერიტორიაზე არსებული მილსადენების უსაფრთხოება უზრუნველყოს. ის ასევე არ გამორიცხავს, რომ ამ ინციდენტის შემდეგ დასავლეთი უფრო აქტიურად დაიწყებს იმის განხილვას მიაწოდოს თუ არა საქართველოს შეიარაღება.

"ალბათ მოვიდა დროს დასავლეთმა საქართველოსთვის მეტი დახმარების აღმოჩენა დაიწყოს მილსადენების მონიტორინგის მიმართულებით. არ არის აუცილებელი ეს სამხედრო დახმარება იყოს. ამ მიზნის მიღწევა ტექნიკური დახმარებით, მონიტორინგის დახვეწით არის შესაძლებელი. იმის გამო, რომ დასავლეთი უკრაინისთვის იარაღის მიწოდებაზე უარს ამბობს, ამიტომ რუსეთში შეიძლება ფიქრობდნენ, რომ საქართველოს მიმართ უფრო აგრესიულნი იყვნენ და დასავლეთი არც საქართველოს მიაწვდის შეიარაღებას. ჩემი აზრით, ამერიკის კონგრესში მალე დაიწყება საუბარი იარაღის მიწოდებაზე არა მხოლოდ უკრაინისთვის, არამედ საქართველოსთვისაც. რამდენიმე თვეში ვფიქრობ ეს დებატებიც დაიწყება " - განაცხადა კორტნიმ.