ქართული მხარის პროპაგანდა აფხაზეთის იმიჯის გაუარესებას ისახავს მიზნად

ქართული მხარის პროპაგანდა აფხაზეთის იმიჯის გაუარესებას ისახავს მიზნად - ვიაჩესლავ ჩირიკბა

პოლიტიკა - 18:14, 20 Jul, 2015

1304

აფხაზეთის დე ფაქტო საგარეო უწყების მიერ გამოქვეყნებული განცხადების მიხედვით, 16 ივლისს ოკუპირებული აფხაზეთის ე.წ. საგარეო საქმეთა მინიტრი ვიაჩესლავ ჩირიკბა სამხრეთ კავკასიის საკითხებში ევროკავშირის ოფიციალურ წარმომადგენელს, ტომ ტრიერს შეხვდა.

შეხვედრაზე, მთელ რიგ საკითხებთან ერთად გალის რაიონის სკოლებში რუსულენოვანი სწავლების დანერგვისა და ინციდენტების თავიდან აცილებისა და რეაგირების მექანიზმის განახლების საკითხებიც განიხილეს.

ევროკავშირის სპეციალური წარმომადგენლის განცხადებით, გალის სკოლებში სწავლების ენის ფაქტი შეშფოთებას იწვევს. მოსწავლეები ქართულ, აფხაზურ და რუსულ ენებზე სწავლობენ. ჩირიკბას განცხადებით კი, გალის სკოლებში რუსულენოვანი სწავლების დანერგვა მაცხოვრებლების ქვეყანაში ინტეგრაციას შეუწყობს ხელს.

„მინისტრმა ასევე აღნიშნა, რომ ქართული მხრიდან კვლავაც გრძელდება უსაფუძვლო ბრალდებები. ამ სახის პროპაგანდა მიზნად ისახვს აფხაზეთის იმიჯის გაუარესებას. მაგალითად, ქართული მხარე განიხილავს ყოველგვარ საფუძველმოკლებულ ფაქტებს, ქართული ენის მასწავლებლებზე ძალადობის განხორციელების შესახებ. ასევე, სისტემატიური დეზინფორმაცია და აფხაზი ხალხის მიმართ სიძულვილის ენის გამოყენება საიტ Apsny.ge-ს მთავარ სამუშაოს წარმოადგენს“ - ნათქვამია განცხადებაში.