აზერბაიჯანსა და საქართველოს შორის თანამშრომლობას საფრთხე არ ემუქრება

აზერბაიჯანსა და საქართველოს შორის თანამშრომლობას საფრთხე არ ემუქრება - ენერგეტიკის სამინისტრო

პოლიტიკა - 16:52, 20 Jul, 2015

1068

ენერგეტიკის სამინისტრო ეხმაურება მედიასაშუალებებში გავრცელებულ ინფორმაციას, თითქოს კონკურენციის სააგენტოს მიერ ნავთობკომპანიების დაჯარიმების მიზეზით შესაძლოა ქვეყანას აზერბაიჯანიდან გაზმომარაგების პრობლემა შეექმნას.

უწყებაში ამბობენ, რომ ინფორმაცია სინამდვილეს არ შეესაბამება.

„ამასთან დაკავშირებით კატეგორიულად ვაცხადებთ, რომ აზერბაიჯანსა და საქართველოს შორის მრავალწლიანი სტრატეგიული თანამშრომლობა ენერგეტიკის სფეროში გრძელდება და არანაირი საფრთხე ამ ურთიერთთანამშრომლმობას არ ემუქრება, რასაც ადასტურებს სახელმწიფო კომპანიებს შორის გაფორმებული გრძელვადიანი ხელშეკრულებები გაზმომარეგების სფეროში.

უფრო მეტიც, აზერბაიჯანულ და ქართულ მხარეებს შორის სისტემატიურად იმართება სამუშაო შეხვედრები სადაც, განიხილება როგორც ადგილობრივ ბაზრის მოთხოვნების სრულად და სტაბილურად მომარაგების, აგრეთვე მსხვილ რეგიონალურ და საერთაშორისო პროექტებში პარტნიორობის საკითხები“, - ნათქვამია კალაძის უწყების მიერ გავრცელებულ ინფორმაციაში.