კანცელარიის წინ მიმდინარე საპროტესტო აქციაზე "Stop Russia!" საზოგადოებას თავისუფალი უნივერსიტეტის ბიზნეს სკოლის დეკანმა გიგა ბედინეიშვილმა მიმართა. ბედინეიშვილის თქმით თუ საქართველოს მოქალაქეები დღეს რუსეთის ქმედებებს არ გააპროტესტებენ, ხვალ მონობაში ცხოვრება მოუწევთ:

„დღეს ჩვენ აქ მოვედით იმისთვის რომ გავაპროტესტოთ რუსეთის ქმედებები, მაგრამ ასევე უფრო მწვავედ გავაპროტესტოთ ჩვენი ხელისუფლების ქმედებები. ჩვენი ხელისუფლების ქმედებები არის ლაჩრული,უტვინო და მოღალატეობრივი. ჩვენ უნდა მივიღოთ გადაწყვეტილება ვიყოთ მამაცნი, დღეს თუ შეგვეშინდა რუსეთის, ხვალ მოვა ის, რისიც ნამდვილად უნდა გვეშინოდეს, ეს არის მონობა და სიღატაკე. ჩვენი მშობლები გამოვიდნენ მონობიდან, ჩვენ ჩვენი შვილები არ უნდა დავაბრუნოთ მონობაში. დღეს ჩვენ უნდა გავერთიანდეთ მემარცხენეები და მემარჯვენეები, დემოკრატები და ლიბერტარიანელები,მენარქისტები , ანარქისტები და ეტატისტები. თუ ჩვენ დღეს არ გავერთიანდებით ჩვენ დავბრუნდებით მონობაში, მაგრამ მე ვიცი რომ გავერთიანდებით იმიტომ რომ ჩვენ ვართ თავისუფალი ადამიანები“- განაცხადა ბედინეიშვილმა,