პარლამენტარი სოსო ვახტანგაშვილი ორი დღით ხურვალეთში გადადის საცხოვრებლად

პოლიტიკა - 14:59, 18 Jul, 2015

2428

საპარალმენტო უმრავლესობის წევრი სოსო ვახტანგაშვილი 2 დღის განმავლობში ხურვალეთში იცხოვრებს, ამის შესახებ განცხადება მან საოკუპაციო ხაზთან ცოტახნის წინ გააკეთა .
როგორც პარლამენტარი განმარტავს ის ადგილობრივ მოხასლეობას შეხვდება და არსებულ პრობლემების შესახებ დეტალურად მიიღებს ინფორმაციას. „ვგეგმავ, რომ ამ სოფელში გავატარო დღე მოსახლეობასთან ერთად, თუ საჭირო იქნება ხვალაც აქ ვიქნები და დავრჩები იმდენ ხანს, რამდენიც საჭირო იქნება, რადგან ვფიქრობ, რომ ის ყურადღება, რომელსაც გამოვიჩენთ მოსახლეობის მიმართ, შეუმსუბუქებს მათ აფორიაქებულ მდგომარეობას, იმ შიშსა და პანიკურ სიტუაციას, რომელიც ზოგიერთმა პოლიტიკურმა ძალებმა აქ თავისი ანგაჟირებული მოქმედებებით შექმნეს" , - განაცხადა ვახტანგაშვილმა.
გარდა ამისა სოსო ვახტანგაშვილი განცხადებით პრემიერ-მინისტრს ირაკლი ღარიბაშვილს მიმართავს „მივმართავ საქართველოს მთავრობას, რომ შეიქმნას განსაკუთრებული მზრუნველობის დროებითი ზონები და მაქსიმალური ყურადღება იქნება მოსახლეობის პრობლემატიკისადმი მიმართული. ყველანაირი პრობლემა უნდა იქნას შესწავლილი, გაანალიზებული, მათ შორის, საჭირო იქნება ჰუმანიტარული დახმარება, არის სასმელი და სარწყავი წყლების პრობლემები, ასევე დაწყებულია გაზიფიკაციის პროგრამა, რომელიც ბოლომდე არ არის მიყვანილი. საუბარია დაწყებულის დაჩქარებაზე და დამატებითი პრობლემების გადაჭრაზე, რომლებიც რეალურად ამ სოფლებში არსებობს", - განაცხადა ვახტანგაშვილმა