ჟურნალისტ ეკა შინდაგორიძის თქმით, მასმედიის წარმომადგენლებმა ოკუპირებულ საზღვართან მშვიდობიანი აქციით სახელმწიფოებრივი პოზიცია გამოხატეს.

ამის შესახებ მან გადაცემა „რეაქციაში“ განაცხადა.

„ხელისუფლების წევრები გამოდიან და ამბობენ, ამის ბრალი იყო, იმის ბრალი იყო. ეს სულ არ გვაინტერესებს. ყველა ხელისუფლებას თავისი ბრალი აქვს ამ ყველაფრის წინაშე. პირადად მე, ჟურნალისტმა, საქართველოს მოქალაქემ გამოვხატე ჩემი მოქალაქეობრივი ვალი. სახელმწიფოს ინტერესთან სასწორზე არაფერზე არ დგას. ჩვენ გამოვხატეთ ჩვენი სახელმწიფოებრივი პოზიცია. იცით რატომ ჩამოვედით იქ? იმიტომ რომ ხელისუფლების პასიურ პოლიტიკას რომ ვხედავთ. მესმის პოლიტიკაში პასიური სტრატეგია, როდესაც გაქვს მოლოდინი მომავლის აქტიური სტრატეგიის, მაგრამ როდესაც არ არსებობს ესეთი მოლოდინი, ამიტომ ჩამოვედით. 200 წელია საქართველო რუსულ ოკუპაციას ებრძვის. დღეს არ დაწყებულა ეს ყველაფერი“, - განაცხადა ჟურნალისტმა.