შერიგებისა და სამოქალაქო საკითხებში სახელმწიფო მინისტრის პაატა ზაქარეიშვილის თქმით, საქართველოს ხელისუფლებამ მოახერხა, რომ რუსეთი მოპასუხე მხარედ აქცია.

ამის შესახებ ზაქარეიშვილმა გადაცემა „რეაქციაში“ განაცხადა.

„მოქმედებებს ის ან მავთულხლართით პასუხობს ან ბანერით. ის ჩაიციკლა ამ მოქმედებებში. ჩვენ ხელს ვაწერთ ასოცირების ხელშეკრულებას, ისინი მავთულხლართებს ავლებენ, ჩვენ ვატარებთ დემოკრატიულ არჩევნებს, ისინი მავთულხლართებს ავლებენ ანუ ნახეთ რუსეთი როგორ „მრავალფეროვნად“ და საშინლად იქცევა უკრაინაში და ჩვენ დავუტოვეთ მათ მხოლოდ ბანერები და მავთულხლართები, თანაც იმ ტერიტორიაზე, რომელიც უკვე ოკუპირებულია და აქეთ ვერ გადმოდიან, ცხვირს ვერ ჰყოფენ. სამი წელია ჩვენ კბილებით ვაჩერებთ მათ და ომს არ ვუშვებთ. სამი წელია ვახერხებთ იმას, რომ რუსეთის პროვოკაციაში არ ვერთვებით“, - განაცხადა ზაქარეიშვილმა.