"ივანიშვილი სდსს-ს ბიუჯეტით არ სარგებლობდა" - ჩუბინიძის პასუხი თარგამაძეს

პოლიტიკა - 18:14, 17 Jul, 2015

2675

სახელმწიფო დაცვის სეპციალური სამახურის ხელმძღვანელი ანზორ ჩუბინიძე უარყოფს გივი თარგამაძის ბრალდებებს, რომ ბიძინა ივანიშვილი სდსს-ს ბალანსიდან თანხებს პირადი ინტერესისთვის ხარჯავდა.

ამის შესახებ ჩუბინიძემ ჟურნალისტებთან საუბრისას განაცხადა.

„ივანიშვილი საერთოდ არ სარგებლობდა სახელმწიფო დაცვის სპეციალური სამსახურის ბიუჯეტით. არ სარგებლობდა მისი თვითმფრინავით, ის ყოველთვის საკუთარი ხარჯებით იხდიდა თვითმფრინავთან დაკავშირებულ ხარჯებს. 2013 წლის ხარჯების გასაჯაროება ჩემი პრეროგატივა არ არის. თუ მეტყვიან ამის შესახებ, ვალდებული ვიქნები ეს ხარჯები გადავცე. ამის წინააღმდეგი არ ვიქნებოდი, რადგან ნდობის ჯგუფს შეუძლია ეს ნახოს და გარკვეული ნაწილი გაამჟღავნოს კიდეც, რომელიც არ იქნება დაკავშირებული უსაფრთხოებასთან", - განაცხადა ანზრო ჩუბინძემ.

საპარლამენტო უმცირესობის წევრი გივი თარგამაძე სახელმწიფო დაცვის სპეციალური სამსახურის 2013 წლის საიდუმლო ხარჯების გასაჯაროებას ითხოვს. თარგამაძის თქმით 2013 წლის ხარჯები 2012 წლის ხარჯების ანალოგიურია, თუმცა 2012 წლის ხარჯების გამო სისხლის სამართლის საქმე წარმოებს, როდესაც ბრალი წაყენებული აქვს მიხეილ სააკაშვილსა და თემურ ჯანაშიას.