ხუთმა პატიმარმა ქუთაისის ციხეში შიმშილობა დაიწყო

პოლიტიკა - 12:30, 17 Jul, 2015

1455

ქუთაისის ციხეში ხუთმა პატიმარმა შიმშილობა გამოაცხადა. პატიმრები თავს უდანაშაულოდ მიიჩნევენ და ხელსიუფლებას მათი საქმით დაინტერესებისკენ მოუწოდებენ. პატიმრები სისხლის სამართლის კოდექსის 353 მუხლით არიან გასამართლებულები, რაც სამართალდამცავებისთვის, პატიმრის გაქცევის მიზნით, ხელის შეშლას გულისხმობს.

როგორც „ნიუპოსტს“ ამ საქმეში ბრალდებულმა მია კეკელიამ განუცხადა, იგი ბანძის პოლიციაში, სადაც მისი დისშვილი იყო დაკავებული 5 ადამიანთან ერთად ამბის გასაგებად მივიდა. კეკელიას თქმით, პოლიციის შენობაში იგი შეუძლოდ გახდა, რა დროსაც სამართალდამცავებსა და მის თანმხლებებს შორის ურთიერთშელაპარაკება მოხდა. სამართალდამცავება კეკელია და მასთან ერთად მყოფი 5 ადამიანი დააკავეს.

საქმე ზუგდიდის რაიონის სასამართლომ განიხილა. სამ დაკავებულს 5 წლით ხოლო ორს 4 წლით თავისუფლების აღკვეთა მიესაჯათ, მაია კეკელია კი სასამართლომ 4 ათას ლარიანი გირაოს სანაცვლოდ გაათავისუფლა.

მაია კეკელიამ "ნიუპოსტთან" საუბრისას ასევე განაცხადა, რომ მან უკვე მიმართა სხვადასხვა ქვეყნის საელჩეობს, რომ მოხდეს საგამოძიებო ჯგუფის გამოყოფა, რომელიც საქმეს შისწავლის. კეკელიას თქმით, ორშაბათიდან დაკავებულების ოჯახის წევრები და მეგობრები ფართომასშტაბანი აქცისბის გამართვასაც გეგმავენ.