პარლამენტმა „მაღალთიანი რეგიონების შესახებ“ კანონში შესატანი ცვლილებები მესამე მოსმენით დაამტკიცა. კანონპროექტი ძალაში 2016 წლის პირველი იანვრიდან შევა.

ცვლილებების მიხედვით შეიქმნება მთის ეროვნული საბჭო, რომელსაც პრემიერ-მინისტრი უხელმძღვანელებს.

კანონპროექტის თანახმად მთის მოსახლეობა გარკვეული პრივილეგიებით ისარგებლებს. მათ შორის იქნება პენსიონერებისთვის პენსიის 20%-ით გაზრდა, ასევე დანამატები მოსახლეობისთვის.

იგეგმება საშემოსავლო გადასახადისგან მოსახლეობის გათავისუფლებაც.

საერთო ჯამში ამ მიზნით მომავალი წლის ბიუჯეტში დამატებით 60 მილიონი ლარი უნდა იყოს გამოყოფილი.

„ნაციონალურმა მოძრაობამ“ კანონპროექტს მხარი არ დაუჭირა.