პარლამენტში "ნაციონალური მოძრაობის" რეზოლუციას საოკუპაციო ხაზის გადმოწევასთან დაკავშირებით დღეს განიხილავენ. დეპუტატები აღნიშნულ საკითხზე რამდენიმე კომიტეტის გაერთიანებულ სხდომაზე იმსჯელებენ.

გუშინდელ სხდომაზე დოკუმენტი დაპირისპირების და კამათის მიზეზი გახდა. უმცირესობა ამბობს, რომ საზღვრის გადმოწევაზე პარლამენტი რეაგირებას არ ახდენს.

მმართველი გუნდისთვის ოპოზიციის რეზოლუცია მიუღებელია და ამბობენ, რომ ისინი თავადაც ამზადებენ დოკუმენტს, რომელიც იქნება საოკუპაციო ხაზთან არსებული ვითარებისადმი ადეკვატური რეაგირება.