რუსეთთან ურთიერთობის საკითხებში პრემიერის სპეციალური წარმომადგენლის ზურაბ აბაშიძის თქმით, საბაჟო მონიტორინგის შესახებ საკმაოდ სერიოზული შეთანხმებაა მიღწეული.

ამის შესახებ აბაშიძემ პრაღაში გამართული შეხვედრის შემდეგ განაცხადა.

"საბაჟო მონიტორინგის შესახებ მიღწეულია საკმაოდ სერიოზული შეთანხმება იმის თაობაზე, რომ აგვისტოში სამუშაო შეხვედრა გაიმართება შვეიცარიაში. ალბათ შესაბამისი სათანადო კონტრაქტები გაფორმდება შვეიცარიულ კომპანიასთან და უნდა ვიქონიოთ იმედი, რომ ეს პროექტი ამოქმედდება"-განაცხადა აბაშიძემ.