,,მერაბიშვილი ნათელაშვილს ასეულობით დოლარს აძლევდა“ - ,,ლეიბორისტების“ გაუქმების მოთხოვნა

პოლიტიკა - 15:54, 15 Jul, 2015

1809

„ლეიბორისტული პარტიის" ოფისთან არასამთავრობო ორგანიზაცია „თავისუფალი თაობის“ წევრებმა აქცია გამართეს და ,,ლეიბორისტული პარტიის" გაუქმება მოითხოვეს.

"თავისუფალი თაობა" შალვა ნათელაშვილს და მის გუნდს "ნაციონალური მოძრაობისგან" თანხის აღებაში ადანაშაულებს. სადღობელაშვილის თქმით, მათ აქვთ საჯარო რეესტრიდან ამონაწერი, თუ რა ქონებას ფლობს შალვა ნათელაშვილი.

„არ ვარ არც პინგვინი, არც ცხოველი და არც მაფიოზი. აღნიშნული ტერმინებით შალვა ნათელაშვილმა თავისი პარტიელები უნდა შეამკოს. „ლეიბორისტული პარტია“ უამრავმა ადამიანმა დატოვა და სულ მალე მათ პარტიაში აღარავინ დარჩება“, - განაცხადა ლადო სადღობელაშვილმა.

სადღობელაშვილს პარტიის ოფისთან მიმდინარე აქციაზე ასევე მიტანილი აქვს საბანკო ამონაწერები, რომლის თანახმად, წლების განმავლობაში, შალვა ნათელაშვილისა და მისი მეუღლის ბელა ალანიას ანგარიშებზე ათასობით თანხა ირიცხებოდა. სადღობელაშვილის თქმით, ნათელაშვილი და მისი პარტია ფინანსებს რუსეთიდან იღებდა.

,,ჩვენთვის ცნობილი გახდა ებრაელი ბიზნესმენის სახელი და გვარი, რომლის ხელითაც თავის დროზე მერაბიშვილი შალვა ნათელაშვილს უგზავნიდა ასობით ათას დოლარს"

აქცია ხმაურის ფონზე მიმდინარეობს. ოფისისი ტერიტორიაზე საპატრულო პოლიციაა მობილიზებული.