მოსკოვი ე.წ. საზღვრის გადმოწევას ქართული მხარის ,,პროვოკაციულ გამოგონებას“ უწოდებს

პოლიტიკა - 11:17, 15 Jul, 2015

2789

რუსეთის საგარეო უწყების მიერ გამოქვეყნებული განცხადებიდან ირკვევა, რომ საქართველოსა და რუსეთის საგარეო საქმეთა მინისტრის მოადგილეებს, გრიგორი კარასინსა და დავით დონდუას შორის სატელეფონო საუბარი შედგა.

„საუბარი საქართველო-სამხრეთ ოსეთის საზღვარს შეეხო. დონდუამ პრეტენზია გამოთქვა სასაზღვრე ნიშნის საქართველოს ტერიტორიაზე, ბაქო-სუფსის ნავთობსადენის მიმართულებით გადაწევის შესახებ.

ამის საპასუხოდ ითქვა, რომ ეს პრეტენზიები არასწორი მისამართით არის გამოთქმული. სასაზღვრო ზოლთან დაკავშირებული ყველა პრობლემა, უნდა განიხილოს ოსურ მხარესთან. მითუმეტეს, ოსურმა მხარემ არაერთხელ გამოთქვა მზადყოფნა დემილიტაციისა და დემარკაციის შესახებ დიალოგის გამართვის შესახებ“- ნათქვამია განცხადებაში.

განცხადების თანახმადვე, გრიგორი კარასინმა განაცხადა, რომ თბილისში კარგად იციან არანაირი საზღვრის გადაწევა არ ყოფილა. „დროა, ქართულმა მხარემ გადაწყვიტოს - აპირებს თუ არა რუსეთთან ურთიერთობის გაუმჯობესებას, თუ განაგრძობს პროვოკაციულ გამოგონებებს, რომელიც ყოველ ჯერზე ანადგურენს ურთიერთობის ნორმალიზიზების პროცესს“ - აღნიშნულია განცხადებაში.