ნუცუბიძის ქუჩის მოსახლეობა ტუბერკულიოზის ცენტრის შესაძლო გახსნას აპროტესტებს

პოლიტიკა - 20:14, 14 Jul, 2015

2942

ნუცუბიძის ქუჩაზე 77-ე კორპუსის მაცხოვრებლები საპროტესტო აქციას მართავენ. როგორც „ნიუპოსტს“ აქციის ერთ-ერთმა მონაწილე კახაბერ შონიამ განუცხადა, საპროტესტო აქციის გამართვის მიზეზი, კორპუსის ეზოში მდგებარე შენობაში, ტუბერკულიოზით დაავადებულთა სამკურნალო ცენტრის შესაძლო გახსნა გახდა.

აქციის მონაწილეები აცხადებენ, რომ არ შეიძლება ტუბერკულიოზით დაავადებული ადამიანები იმავე ეზოთი სარგებლობდნენ, სადაც მათი შვილები იმყოფებიან, რადგან ეს დაავადების გავრცელების რისკს აჩენს

"ჩვენი კორპუსის ეზოში არის კომერციული ფართი, სადაც იხსნება ტუბერკულიოზით დაავადებულთა სამკურნალო კლინიკა. ამგვარი სამკურნალო კლინიკის გახსნა მჭიდროდ დასახლებულ ცენტრში იმ ფონზე, რომ ჩვენ სხვა შესასვლელი ეზო არ გვაქვს და ჩვენი ბავშვები ამავე ეზოში თამაშობენ, შენობას კი პარკინგის ადგილიც არ აქვს და დაავადებულმა ადამიანებმა ჩვენს ეზოში უნდა დააყენოს მანქანა, ჩვენ ამის კატეგორიული წინააღმდეგები ვართ. გასაგებია, რომ დაავადებულ ადამიანებს უნდა უმკურნალონ, მაგრამ არა ქალაქის ცენტრში და საცხოვრებელი კორპუსის ეზოში. ამგვარი დაწესებულება ქალაქგარეთ უნდა გაიხსნას,“-განაცხადა კახაბერ შონიამ.

აქციის მონაწილეები აცხადებენ, რომ იმ შემთხვევაში თუ ხელისუფლება მათ მოთხოვნას არ გაითვალისწინებს, ისინი პროტესტის ყველა სახის უკიდურეს ფორმას მიმართავენ.

_{ფოტო არ ასახავს აღნიშნულ აქციას}