"ქართული ოცნების“ დეპუტატებმა „მთის კანონი“ თიანეთის მოსახლეობას წარუდგინეს

პოლიტიკა - 17:38, 14 Jul, 2015

1747

დღეს საპარლამენტო ფრაქცია „ქართული ოცნების“ დეპუტატებმა ზაქარია ქუცნაშვილმა, დიმიტრი ხუნდაძემ და მირიან წიკლაურმა კანონპროექტი „საქართველოს მაღალმთიანი რეგიონების განვითარების შესახებ“ თიანეთის მოსახლეობას გააცნეს. ადგილობრივ მოსახლეობასთან შეხვედრები ამერიკის შეერთებული შტატების დემოკრატიული ინსტიტუტის მხარდაჭერით ხორციელდება. შეხვედრას დაესწრო ეროვნულ დემოკრატიული ინსიტუტის(NDI) ხელმძღვანელი საქართველოში ლორა ტორნტონიც.

შეხვედრა მიზნად ისახავდა მაღალმთიან რეგიონებში მცხოვრები მოსახლეობისათვის „საქართველოს მაღალმთიანი რეგიონების განვითარების შესახებ“ კანონპროექტის გაცნობას.

დეპუტატებმა ამომწურავად ისაუბრეს, კანონპროექტის ძირითადი მიმართულებები და ღირებულები ვრცლად განუმარტეს დამსწრე საზოგადოებას.

თიანეთის მაჟორიტარმა დეპუტატმა ზაქარია ქუნაშვილმა განაცხადა, რომ აღნიშნული კანონპროექტის მთავარი მიზანი, არის არა მხოლოდ მთაში მოსახლეობის დამაგრება, არამედ მთის განვითარება.

„ჩვენს საზოგადოებას შევპირდით, რომ ქართველი ხალხის 20 წლიან ოცნებას - მაღალმთიან რეგიონებს ჰქონოდა თავისი კანონი, რომელიც ხელს შეუწყობდა მთის განვითარებას, ავამოქმედებდით. ხელისუფლებაში ჩვენი მოსვლის დღიდან საკმაოდ დაძაბული შრომა გავწიეთ, იმისთვს რომ შეგვემუშავებინა პროექტი, რომლის მიზანი იქნებოდა მთის განვითარება. ამდენად, აღნიშნული კანონპროექტის მთავარი მიზანი და ჩვენი სახელმძღვანელო არის ის, რომ ვიზრუნოთ არა მხოლოდ მთაში მოსახლეობის დამაგრებაზე, არამედ მთის განვითარებაზე“ - აღნიშნა ზაქარია ქუცნაშვილმა.