"საშიშ ზღვარზე ვართ! მთავრობას ვაფრთხილებთ მაგისტრალს მოუახლოვდენ და ნუ აჟიტირებთო"

პოლიტიკა - 13:44, 14 Jul, 2015

1815

რუსეთის ოკუპაციის გასაპროტესტებლად შაბათს დაგეგმილ აქციას ტელეკომპანია „ტაბულას“ რედაქტორი თამარ ჩერგოლეიშვილი და „საქართველოს რეფორმების ასოციაციის“ ერთ-ერთი დამფუძნებელი ელენე ხოშტარია სოციალურ ქსელში ეხმაურებიან.

„ვისაც მიგაჩნიათ, რომ რუსეთი რასაც ჩვენს ტერიტორიაზე ჩადის "განსაკუთრებულია" და ჩვენს ყურადღებას იმსახურებს,

ვინც ფიქრობთ, რომ აბაშიძე - კარასინის შეხვედრები ჩვენი ქვეყნის ინტერესებს ეწინააღმდეგება,

ვისაც გჯერათ, რომ საქართველოს ოკუპანტთან საუბარი, მხოლოდ ჩვენი სტრატეგიული პარტნიორების მონაწილეობით უნდა მიმდინარეობდეს,

ვისაც გსურთ, რომ საქართველო დაუბრუნდეს დასავლეთსა და რუსეთს შორის განხეთქილების საკითხთა ნუსხას და უკრაინასთან ერთად განიხილებოდეს საერთაშორისო ურთიერთობებში,

ვინც თვლით, რომ ამ ხელისუფლების "რუსეთთან დალაგების" პოლიტიკამ სრული კრახი განიცადა და მიდგომა უნდა შეიცვალოს, - მოდით შაბათს, 18 საათზე, მთავრობის კანცელარიასთან“- წერს თამარ ჩერგოლეიშვილი.

ელენე ხოშტარიას განცხადებით ქვეყანა საშიშ ზღვარზეა მისული, ამ ფონზე კი მთავრობა არასამტავრობო ორგანიზაციას და მედიას ტყუილი აჟიოტაჟის შექმნას აბრალებს:

„2013 ში ავტეხეთ განგაში მავთულხლართების ინტენსიფიკაციაზე, შევთავაზეთ მთავრობას 50 პუნქტიანი გეგმა - არ გვინდა აჟიოტაჟიო. პროცესი გაგრძელდა.

2013 შუ ავტეხეთ განგაში მოლსადენზე - ნუ აჟიტირებთო. მოხდა

ოლიმპიადის დროს ვაფრთხილებდით დაგისვავენ დე-ფაქტო მთავრობას - ნუ აჟიტირებთო. დაუსვეს.

2015 ში ავტხეთ განგაში ანექსიის პროცესზე, წინასწარ ვაფრთხილებდით რაც მოხდებოდა. შევთავაზეთ ანტიანსექსიური სტრატეგია - ნუ აჟიტირებთო. მოხდა

დღეს ვაფრთხილებთ მაგისტრალს მოუახლოვდენ - ნუ აჟიტირებთო.

რა ვქნათ აჟიოტაჟის გარეშე დავკარგოთ სახელმწიფო?

თუ მთავრობას იმედი აქვს, რომ "ვიაჟიტირებთ" და გადაივლის ცდება. საშიშ ზღვარზე ვართ მისულები.“- წერს ელენე ხოშტარია.