შერიგებისა და სამოქალაქო თანასწორობის საკითხებში სახელმწიფო მინისტრის პაატა ზაქარეიშვილის თქმით, რუსეთს პროვოკაციული ქმედებებით სურს საქართველოს, როგორც სანდრო სახელმწიფოს ავტორიტეტი ეჭვქვეშ დააყენოს.

ამის შესახებ ზაქარეიშვილმა „საზოგადოებრივი მაუწყებლის“ ეთერში საოკუპაციო ხაზის გადმოწევის კომენტირებისას განაცხადა.

"რაც შეეხება ბაქო-სუფსის მონაკვეთს, ისევ და ისევ თუ ავიღებთ კანონს ოკუპირებული ტერიტორიების შესახებ, რომელიც მოიცავს ყოფილი სამხრეთ ოსეთის ტერიტორიას, ეს მილსადენი უკვე დიდი ხანია გადის ოკუპირებულ ტერიტორიაზე. დღეს ხდება რა, დღეს ხდება ოკუპირებულ ტერიტორიაზე ბანერების განთავსება ანუ უფრო წინ წამოწევა ბანერებისა და საკითხის აქტუალიზაცია. რუსეთს სურს პროვოკაციური ნაბიჯით დარტყმის ქვეშ დააყენოს საქართველოს ავტორიტეტი, როგორც სანდო სახელმწიფოსი, მაგალითად ენერგო რესურსების გატარებაში“, - განაცხადა ზაქარეიშვილმა.