აშშ-ის ელჩი საქართველოში რიჩარდ ნორლანდი საოკუპაციო ხაზის გადმოწევას რუსეთის მხრიდან საქართველოს პროვოცირებისკენ გადადგმულ ნაბიჯს უწოდებს.

ამის შესახებ ნორლანდმა ჟურნალისტებთან საუბრისას განაცხადა.

მისი თქმით, აშშ და საერთშორისო თანამეგობრობა მხარს უჭერს საქართველოს ტერიტორიულ მთლიანობას.

"ერთის მხრივ არ იცვლება არაფერი გრძელდება ისევ ის, რაც აქამდე ხდებოდა. მეორეს მხრივ ეს არის გადადგმული ნაბიჯი საქართველოს დამცირებისა და პროვოცირებისკენ. აშშ-სა და საერთაშორისო თანამეგობრობის პოზიცია უცვლელი რჩება, ჩვენ განვაგრძობთ საქართველოს ტერიტორიული მთლიანობის მხარდაჭერას. მოვუწოდებთ, რომ ასეთი რამ არა ძალის გამოყენებით, არამედ მოლაპარაკებების მაგიდასთან გადაწყდეს",- განაცხადა ნორლანდმა.