ბილეთები სოციალურად დაუცველი ოჯახებისთვის გვინდოდა

ბილეთები სოციალურად დაუცველი ოჯახებისთვის გვინდოდა - საკრებულოს განმარტება

პოლიტიკა - 15:35, 13 Jul, 2015

1943

თბილისის მუნიციპალიტეტის საკრებულოს სპორტისა და ახალგაზრდობის კომისიის თავმჯდომარე - ქეთევან ჯოხაძე ადასტურებს, რომ მათ ნამდვილად მიმართეს ფეხბურთის ფედერაციას უეფა-ს მატჩზე დასასწრები ბილეთის გადაცემის თხოვნით.

მისი განმარტებით, საკრებულომ ბილეთები სოციალურად დაუცველი ოჯახებისთვის მოითხოვა.

,,საფეხბურთო მატჩზე დასასწრები ბილეთების ელექრონულ გაყიდვებთან დაკავშირებული პრობლემების გამო, საკრებულომ ფეხბურთის ფედერაციას წერილობით მიმართა, თუმცა, პასუხი მათგან დღემდე არ მიგვიღია. რაც შეეხება საკრებულოს დეპუტატებს, მათთვის ბილეთების გარკვეული რაოდენობა მსგავს მატჩებზე მთავრობისა და სახელმწიფო უწყებებისთვის განსაზღვრული ე.წ.”კორპორატიული ბილეთებიდან ” გამოიყოფა’’, – განაცხადა ქეთევან ჯოხაძემ.

თბილისის საკრებულომ საქართველოს ფეხბურთის ფედერაციას სუპერთასის მატჩზე დასასწრები 300 ბილეთი მოსთხოვა, ფაქტის აღმნიშვნელ ფოტო-დოკუმენტს სოციალურ ქსელში ნიკა მელია აქვეყნებს. მისივე თქმით ხელისუფლების სხვადასხვა უწყებებმა საერთო ჯამში ფედერაციას 2500 ბილეთი მოსთხოვეს.