„ოცნების“ დეპუტატებმა დუშეთის და ყაზბეგის მოსახლეობას „მთის კანონი“ წარუდგინეს

პოლიტიკა - 14:57, 13 Jul, 2015

1394

დღეს საპარლამენტო ფრაქცია „ქართული ოცნების“ დეპუტატებმა ირაკლი ტრიპოლსკიმ, ზაქარია ქუცნაშვილმა, დიმიტრი ხუნდაძემ და მირიან წიკლაურმა კანონპროექტი - „საქართველოს მაღალმთიანი რეგიონების განვითარების შესახებ“ დუშეთის და ყაზბეგის მოსახლეობას გააცნეს. ამავე კანონით ხვალ დეპუტატები თიანეთის მოსახლეობის წინაშე წარსდგებიან.
„ამ კანონპროექტს რამდენიმე ათეული წელია მთიანი რეგიონების მოსახლეობა ელის. იცით, დღეს რა მდგომარეობაა საქართველოს მთიანეთში. თითქმის მთლიანად არის დაცლილი საქართველოს მთიანი ზოლი. 2002 წლის მონაცემებით, 164 სოფელი უკვე გაუკაცრიელდა, ხოლო 152 სოფელში 10 და ნაკლები კაცი ცხოვრობს. ჩვენ მთავარ პრიორიტეტში ჩავდეთ მთიანი რეგიონების განვითარება და ეს უკვე მალე განხორციელდება. თუმცა, გეტყვით, რომ მხოლოდ ამ ინიციატივებით არ შემოვიფარგლებით. კონკრეტულ საკითხებზე მუშაობა გრძელდება“ -დუშეთის მაჟორიტარმა დეპუტატმა ირაკლი ტრიპოლსკიმ.

რეგიონალური შეხვედრები ადგილობრივი მუნიციპალიტეტების ხელმძღვანელობით გაიმართა. ადგილობრივ მოსახლეობასთან შეხვედრები ამერიკის შეერთებული შტატების დემოკრატიული ინსტიტუტის მხარდაჭერით ხორციელდება.