რუსებს საკუთარი ხელით მოუწევთ ტრაფარეტების საბჭოთადროინდელი საზღვრისკენ გადაწევა

რუსებს საკუთარი ხელით მოუწევთ ტრაფარეტების საბჭოთადროინდელი საზღვრისკენ გადაწევა - ხიდაშელი

პოლიტიკა - 12:14, 13 Jul, 2015

2761

საქართველოს თავდაცვის მინისტრი თინა ხიდაშელი რუსეთის მიერ ოკუპირებული ტერიტორიების საზღვრის რამდენიმე ჰექტრით გაზრდის ფაქტს გამოეხმაურა.

ხიდაშელის თქმით, საქართველო არა მხოლოდ 20 მეტრს ან ორ კილომეტრს, არამედ 20%-ს დაიბუნებს. ხიდაშელი მიჩნევს, რომ მომხდარი 2008 წელს დაწყებული პროცესების გაგრძელებაა.

"ქვეყნის 20% არის ოკუპირებული და 2 კილომეტრით მეტს გადმოწევენ საზღვარს თუ 20 მეტრით, ეს ძალიან ცუდია, მაგრამ ეს არის იმავე ხაზის გაგრძელება, რაც ქვეყანაში დიდი ხანია ხდება. ეს არის ის, რაზეც ამდენი ხანია ჩვენ ვსაუბრობთ საერთაშორისო თანამეგობრობასთან ერთად. ჩვენი გზა ევროატლანტიკური ინტეგრაციისკენ, სწორედ ერთ-ერთი მთავარი მიზეზია ოკუპაციის, ძალმომრეობის, ძალადობისაგან თავის დაღწევის. მინდა დაგარწმუნოთ, რომ საქართველო ამ 20 მეტრს ან 2 კილომეტრს კი არა, იმ 20%-ს დაიბრუნებს და რუსებს საკუთარი ხელით მოუწევთ ტრანსფარანტების თუ ტრაფარეტების, რასაც დგამენ ჩვენს მიწაზე, უკან, ოფიციალური საბჭოთა კავშირის დროინდელი საზღვრისკენ გადაწევა" - განაცხადა თინა ხიდაშელმა.