პრეზიდენტის ადმინისტრაციაში საოკუპაციო ხაზის გადმოწევასთან დაკავშიებით საგანგებო შეხვედრა გაიმართება. გიორგი მარგველაშვილთან 16:00 საათზე ევროკავშირის მონიტორინგის წევრები და საქართველოს გაზისა და ნავთობკორპორციის წარმომადგენლები შეიკრიბებიან.

როგორც პრეზიდენტის მრჩეველმა ღნიშნა, მოსკოვის მხრიდან განხორციელებული ქმედებები დაგეგმილი პროვოკაციაა, რომელიც საფრთხეს უქმნის არა მხოლოდ საქართველოს, არამედ მტელ რეგიონს.

„ეს ინციდენტი არც ერთი შემთხვევაში არ უნდა იქნეს განხილული, როგორც ცალკე აღებული ერთეული პროვოკაცია. ჩვენ უნდა ვისუბროთ პროცესზე, რომელიც დიდი ხანია ხორციელდება საქართველოს, როგორც სუვერენული სახელმწიფოს წინააღმდეგ. რატომ ხდება ამ პროცესების ესკალაცია სწორედ ქართულ-რუსული შეხვედრების წინ. როდესაც რომელიმე მხარე რეალურად განწყობილია რაღაც შეთანხმების მიღწევისკენ და მას სურს რამის მოგვარება, რთულად დასაშვებია, რომ ასეთ დრო ხორციელდებოდეს იმ ტიპის ქმედებები, რომელიც საკმაოდ ძაბავს სიტუაციას არა მხოლოდ ორ სახელმწიფოს შორის, არამედ ახდენს მთელ რეგიონში ვითარების ესკალაციას“, - აცხადებს ფხალაძე.

საოკუპაციო რეჟიმის წარმომადგენლებმა ხურვალეთში ადგილობრივი მაცხოვრებლების კუთვნილი 10 ჰექტარი დამუშავებული მიწის ფართობი მიითვისეს. ოკუპანტებმა ე.წ. საზღვრის აღმნიშვნელი აბრები სოფელში რამდენიმე დღის წინ დაამონტაჟეს.