ვახტანგ გომელაური თუ მინდია ჯანელიძე - უსაფრთხოების სამსახურის უფროსად პრემიერს კრიზისების მართვის საბჭოს ხელმძღვანელი სურს, თუმცა კულუარებში ამბობენ, რომ არჩევანი ბიძინა ივანიშვილის კადრზე შეჩერდა და ახალ თანამდებობას გომელაური დაიკავებს.

ივანიშვილის პირადი დაცვის ყოფილი წევრი კი ემზადება, რომ შს მინისტრი გახდეს. ანზორ ჩუბინიძის კანდიდატურას რესპუბლიკელი გიგლა აგულაშვილის კანდიდატურა უპირისპირდება. გავრცელებული ინფორმაციით, კონსულტაციებს რესპუბლიკელები აქტიურად მართავენ.

მთავრობაში ცვლილებები მას შემდეგ გახდა საჭირო, რაც პარლამენტმა შსს-ს ორად გაყოფის შესახებ გადაწყვეტილება მიიღო.

ოპოზიცია იმ საფრთხეებზე საუბრობს, რომელიც, შესაძლოა, ამ ნაბიჯს მოჰყვეს და დარწმუნებულია, რომ ახალი სამსახური პოლიტიკური დევნის იარაღად იქცევა. უმრავლესობა კი ამასობაში ახალი ხელმძღვანელების ვინაობებზე ფიქრობს.

წყარო: http://rustavi2.com/