პარლამენტის ადამიანის უფლებათა დაცვის კომიტეტის თავმჯდომარე ეკა ბესელია მზად არის, კლუბ „ვიტამინის“ მენეჯერს ლიკა კიკიანს შეხვდეს.

ამის შესახებ ბესელიამ ტელეკომპანია „იმედის“ ეთერში განაცხადა.

მან დადებითად შეაფასა შსს-ს გადაწყვეტილება, რომ საქმე პროკურატურას გადაეცემა.

„მინდა, გამოვთქვა მზადყოფნა, რომ პირადად შევხვდე ამ გოგონას და გავესაუბრო. ვიცი, რომ ამის სურვილი მასაც ჰქონდა. მისი ახლობლები დამიკავშირდნენ და მითხრეს. მე ველოდები, რომ ეს შეხვედრა შედგება, თუმცა ამავე დროს, ველოდები გამოძიების მიმდინარეობის შედეგებს“, - განაცხადა ეკა ბესელიამ.