„ბიზნეს კურიერის“ წამყვანის აკაკი გოგიჩაიშვილისა და ტურიზმის ეროვნული სააგენტოს ყოფილი ხელმძღვანელის გიორგი სიგუას პირდაპირ ეთერში დაწყებულმა კამათმა სოციალურ ქსელში გადაინაცვლა.

გადაცემაში სტუმრობისას გიორგი სუგუამ განაცხადა, რომ მთავრობის ხელშეწყობით ანაკლიაში უამრავი პროექტი განხორციელდა. აკაკი გოგიაჩიაშვილმა სიგუას სთხოვა დაეკონკრეტებინა რას გულისხმობდა ის.

„ბოლო ერთი თვის განმავლობაში ინფრასტრუქტურისთვის მილიონი ლარი დაიხარჯა. მოწესრიგდა მიწისქვეშა კომუნიკაცია. თავის დროზე ეს კომუნიკაციები ფასადურად კეთდებოდა. განათდა ხიდი...“, - განაცხადა სიგუამ, რაზეც გოგიაშვილმა უპასუხა, რომ ის ანაკლიაში ორი ღამის განმავლობაში იმყოფებოდა და არც ერთი ხიდი განათებული არ იყო.

ამის შემდეგ ტურიზმის ეროვნული სააგენტოს ყოფილმა ხელმძღვანელმა გოგიაშვილს სოციალურ ქსელში განათებული ხიდის ფოტო აუტვირთა. საუბარია განმუხური ანაკლიის დამაკავშირებელ ხიდზე.

„2012 წლის მოგონებები. კარგია, მაგარი. თვალს კი ეშველება რამე.. აი სინდისის ექიმი რომ არ არის?“,- დაწერა გოგიჩაიშვილმა ფოტოს კომენტირებისას.

გიორგი სიგუა: „მართალი ხარ უინდისობაა ასეთი სიაფანდობის კეთება და თვალის ახვევა, ე ბიჭო , ვის ატყუებთ , მეე?:)) არ მიცნობდე მაინც :)))“

აკაკი გოგიჩაიშვილი: „მე შენი ბიჭო არ ვარ და არც არასდროს ვყოფილვარ. ეგ ერთი და შეგიძლია შენს სერბებს ჰკითხო 2 დღის წინ რა იყო იქ განათებული. ორი დღის წინ ვიყავი იქ და არ იყო განათებული და იგივე დაადასტურა ყველა გამვლელმა, რომ ამ სეზონზე ხიდი არავის გაუნათებია, უბრალოდ ჩვენ რომ წამოვედით იმ დღეს ჩავიდა იქ ღარიბაშვილი და გაუნათეს ალბათ“.