თბილისის საკრებულოში მუნიციპალური სათათბიროს სხდომა მიმდინარეობს. დეპუტატები მერიის წარმომადგენლებთან ერთად სტიქიის შედეგად დაზარალებულთა ანაზღაურების და ოლიმპიადის საკითხებს განიხილავენ. სხდომა დახურულ ფორმატში მიმდინარეობს.

„საკრებულოს უმრავლესობას ვაცნობთ ინფორმაციას იმის შესახებ, თუ როგორ მიმდინარეობს სტიქიის შედეგად დაზარალებული ინფრასტრუქტურის აღდგენა. ვსაუბრობთ ასევე ოლიმპიადის მოსამზადებელ სამუშაოებზე. ვისაუბრებთ საკითხებზე, რომელიც სტუმრების დახვედრას და ქალაქის კეთილმოწყობას უკავშირდება“, - აღნიშნა თბილისის მერმა შეხვედრის დაწყებამდე.